藝人鄭裕玲下午（9日）出席活動，適逢今日是她正日生日，收到一大束鮮花的她被問到生日願望，她説：「身體健康、疫情快過！（今晚點慶祝？）冇慶祝㗎，做嘢當慶祝啦。」提到現今新一代演員，她指最緊要勤力，她説：「要努力不懈、睇多啲戲，不過年輕人都有自己嘅想法，好聰明唔使人教㗎啦。（你以前都係睇好多戲？）依家都係，睇好多乜戲都睇，有睇戲癮，電台開咪時又可以講下。（拍戲就冇癮？）冇，拍戲比較辛苦。（有冇邊位演員可吸引到你拍？如果發哥呢？）冇，睇劇本不計演員，成廿年冇拍過，最後嗰套都唔記得係乜嘢名。」
早前與影帝梁朝偉做訪問的她，表示已有多年冇見對方：「2013後都冇見過面啦，真係好開心，睇到佢依家好識享受生活，有啱嘅劇本先接，同我一樣鍾意做運動。（會唔會跟佢去玩水上活動？）我唔鍾意水上活動。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
