劉德華今日60歲生日 預錄短片送fans祝願世界健康
今日（27日）是劉德華的60歲生日，雖然近日他正拍攝彭順執導的新戲《危機航線》，但他未有忘記跟fans一起度過，華仔送上短片跟他們一同分享喜悅，他表示：「今天生日喺工作中渡過，感謝所有工作人員同『家人』（指fans）祝福，未來日子期望同大家繼續分享美好時光。」
往年華仔在生日月都會舉行大型生日會跟fans慶祝，不過近年因新冠肺炎疫情而停辦，今年也是一樣，因此他昨晚在官網貼出一條約15分鐘的片段，當中除了唱出幾首歌如《忘情水》、《月亮代表我的心》外，當然有跟fans分享生日的心情，華仔謂：「去年生日我做咗個直播，但今年因為由原定14日隔離變成21日，出返嚟已經要拍戲，今日就用呢個時間錄咗呢個『見面』，唔好話係節目，要跟大家見吓面，希望你哋開心。」
為顧及其他地方fans，華仔除了說廣東話外，間中亦說普通話，但可能工作忙碌，聽到他的聲線明顯有點沙啞。華仔又談及三次的隔離生活，他謂：「今次我完全放空自己，咩都冇做，未試過咁懶，只係食同瞓，想肥啲但竟然冇肥到。」尾聲時華仔希望生日過後，世界回復平靜和健康，最後再播出他近月來回香港及內地的工作片段。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
