韓劇《魷魚遊戲》現正熱播，一度登上全球劇集排行榜第二位，成績理想。雖然劇情有唔少殺人情節，但場景以色彩繽紛作布置，尤其樓梯迷宮以西班牙名勝La Muralla Roja作靈感，加上遊戲以80年代童年遊戲進行，令整個畫面充滿童真。而韓國梨泰院地鐵站近日化身劇中遊戲場景，令劇迷一嘗「參加者」體驗。
首個遊戲「一二三，木頭人」中嘅巨型大頭AI公仔，梗係唔少得，佢係動作偵測器，偵測到有人移動就會開槍將對方殺死，而佢就坐喺展覽會中央，監視住大家！現場仲有𠝹椪糖遊戲場景嘅彩色鐵架，站外有存咗456億韓圜獎金嘅巨型豬仔錢罌；亦有着紅色制服、戴面罩嘅工作人員「看守」，非常逼真，連劇中飾演警察嘅魏河俊及「脫北者」嘅女主角鄭浩妍都有去潮聖！
唔只韓國，香港旺角砵蘭街休憩花園日前翻新成粉紅色樂園，無論象棋枱、櫈等都Pink到爆，潮流達人徐濠縈亦有去打卡。網民話同《魷》場景撞到應一應，更有改圖高手將劇中工作人員Key入公園圖中！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
