張繼聰上載「異形」短片求真相 慎入極嘔心
張繼聰噚日（26日）喺社交網上載一條超詭異兼恐怖嘅短片，提醒大家短片諗清楚先好撳入去睇，因為可能會引起不安，佢留言：「What is that！？求解答！條片喺朋友group度傳嚟傳去，咩嚟㗎？香港嚟㗎？CG？有冇朋友都收到呢條片？有冇人知咩料？」
片中見到一隻黑色生物黐咗喺牆上面，朦朧中見到好似有個頭同圓拱形嘅身體，但最嚇係嘅係隻嘢至少有廿隻腳，喺度不斷郁郁吓！網民睇完都覺得好嘔心，留言：「好恐怖」、「係咪異形！」仲有人估係烏龜，千奇百趣乜都有。
不過，有心水清嘅網民就話一早有人澄清咗係假，留言：「長輩群組嘅威力，呢啲片，一睇就知假，係啲人玩cg，好鍾意整好多『製作』fake人。」、「有人澄清係佢哋大學功課，佢讀電腦特技嗰類。」咁都放心啲，嚇死人咩！
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
