張寶兒早前為《聲夢傳奇》學員擔任形象指導，雖然品味未獲網民認同，反應彈多過讚，但無損張寶兒嘅信心，日前更在YouTube頻道分享自己做服裝搭配嘅靈感。
影片中，張寶兒帶大家到《聲·夢飛行First Live On Stage》演唱會後台，並親解每一件舞台服以及飾物嘅配搭，例如姚焯菲（Chantel）嘅漸變橙黃色毛毛裙，張寶兒指唔少時裝品牌近年都使用羽毛設計，而Chantel呢條漸變色毛毛裙「我一睇到就放入首選清單」，仲話人唔夠可愛的話係handle唔到，經過各方商議之後，決定由Chantel穿上。拍片期間，鍾柔美(Yumi)、林智樂(Felix)亦都有出鏡，而Yumi仲話「我好鍾意我啲衫，咩衫我都鍾意。」氹得張寶兒十分開心。
影片上載後，唔少網民都留言大讚張寶兒有品味，又指佢要負責15個人嘅造型並不容易。而張寶兒亦有回覆表示:「篇幅有限，有部分內容下禮拜出、也有部分（包括髮型設計和對學員們的不同感覺）最後決定不盡錄了，否則你們要看好多個禮拜的連續片。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|