內地電影《長津湖》走勢凌厲，今日（4日）票房已經破咗17億大關，上映4日數字一直向上衝，不過原來今次嘅劇本原來有位星二代Mon實「把關」，就連電影導演徐克都要畀面佢，佢就係有份演出嘅內地男星胡軍位仔仔胡皓康（康康）喇！之前就見過佢走入片場探班嘅相，估唔到原來幕後功臣都有佢份。
胡軍接受內地媒體訪問時，就提到知道阿仔好迷軍事資訊，咁佢收到劇本時，就畀康康過目，點知康康就覆咗佢一大篇文字，指劇本入面嘅軍事設定有好多錯漏，胡軍就形容仔仔嘅意見、用字都非常專業，連咩類型子彈先射得入坦克甲板等資訊都寫埋落去。
去到拍攝前同導演徐克一大班人開會，胡軍就好威威咁拎出阿仔啲意見照讀出嚟，而佢身旁就坐咗位軍事專家，徐克聽完就問位專家：「這個意見對嗎？」對方二話不說答「對」，徐克就即場大改片中軍事設定，胡軍當時就覺得勁驕傲，公開大讚阿仔又叻又厲害！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
