王梓軒邀文凱婷做嘉賓借機解畫
（星島日報報道）由王梓軒主持的音樂節目《演鬥聽》，每次都會邀請不同的嘉賓亮相，最新一集便請來《聲夢傳奇》學員文凱婷及何晉樂等人大鬥歌藝。早前有指王梓軒在《聲夢傳奇》中質疑文凱婷，王在今集中借機澄清。
今集《演鬥聽》邀請了《聲夢傳奇》學員文凱婷(Aeren)、何晉樂(Rock)、林君蓮（蓮姐）、張馳豪(Aska)、林智樂(Felix)和孫漢霖(火雞)， 6位聲夢學員在節目中進行音樂Battle。身為Monster隊隊長的王梓軒，大讚同組的聲夢成員表現很多。早前有指王梓軒曾在《聲夢傳奇》任評判時質疑Aeren的能力，並拋下一句，「Why are you singing?」令外界誤會王梓軒。
今次既然有機會跟Aeren同台，王梓軒趁機澄清，他說：「之前我上《聲夢傳奇》做評判時剛好要評Aeren，但我嘅評語經過剪輯之後得返一句：『Why are you singing? (點解你要唱歌？)』。當時有唔少網民誤會我質疑佢『點解仲要出嚟唱歌？』其實我係想佢搵返同歌曲嘅共鳴！今次呢班學員上嚟，我好希望展示到俾觀眾睇佢哋好立體，有好多可塑性！」
看見隊長王梓軒為自己如此上心，身穿熱褲露出小蠻腰的Aeren即刻回應：「我知梓軒係為我好！好開心個節目令我哋發掘到自己嘅潛力！同時亦容許我哋NG，發現錯少少唔緊要，呢啲就係Free Style，即興嘅氣氛真係好好。我平時有寫開Rap，但廣東話就真係少啲，今次有機會試吓，就算寫得唔好都係Free Style。」
話明分組Battle，除了Monster隊，另一組Wizard組嘅嘉賓，一致認為最難係《Remote你點唱》環節，期間VSing以「a cappella」形式伴奏，Rock大讚：「真係好勁，平時拍MMO係撳一個掣，依家係有五、六個人幫你和，一出錯就死喇！佢哋隨時入都得㗎！我係第一次同a cappella夾歌，之前識Bernard，佢係彈Cello，我依家先知，原來佢都識和音，哈哈！」不止，連蓮姐亦大讚VSing專業：「個感覺係佢哋真係好Pro，佢哋跟到我哋，好似自動播帶咁。」蓮姐指一早在節目巡禮介紹時已經想試《演鬥聽》，但冇諗過真係有機會參與，所以勁開心！
|
鍾意就快D Share啦！
|
|
|