2019年港姐季軍古佩玲於無綫劇集《我家無難事》演咖啡店職員，性格非常男仔頭，與平日溫柔的她判若兩人，為配合角色她特意於拍攝前剪短頭髮，而她沒料到新髮型出奇地帶來舒服之感:「呢個髮型我Keep到依家，好鍾意，因為短髮實在太方便。劇入面我同胡㻗有感情線，仲獻出螢幕初吻。因為今次先係正式第一套有角色嘅作品，所以好緊張，驚出醜影響到大家，好在都唔係NG好多次。」
對於網民對其角色評價好壞參半，古佩玲坦言接受批評，但最令她介懷的，是拍攝初段，因受皮膚敏感影響，以致面部生滿粒粒，擔心於高清鏡頭下粒粒無所遁形：「嗰時敏感得好犀利，嚴重到要睇醫生打消炎針，好在後來有一星期休息，我盡情畀皮膚休息，加上藥物幫助先好番。（播出時粒粒睇得好清楚？）好在播出街時，塊面似有層濾鏡咁，完全睇唔出有問題，我先至鬆一口氣。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|