無綫節目《聲夢傳奇2》今日（14日）舉行初選活動，50強選手中其中10位，更是首度公開亮相，當中年紀最輕、年僅15歲嘅林爾琪，頓時成為全場焦點，其實佢大有來頭，原來佢係台灣企業家林添茂嘅孫女，更係曾獲多項世界大獎嘅小女高音，其演出經驗亦非常豐富，曾與台灣名模林志玲同場出席大型慈善活動，更表演邊彈豎琴邊唱《Over the rainbow》，一鳴驚人！雖然佢未正式出道，但經已有自己嘅fans club，而佢今日首次以《聲夢》學員身份見人，不但興奮地喺電視城自拍，仲成功與「師姐」姚焯菲集郵合照。
另外，27歲嘅陳晉軒（Jason）其實係一名網紅，佢經營網上影片平台拍過唔少翻唱歌曲嘅片，當中更有片段高達13萬觀看次數，而佢更曾經推出親自作曲嘅單曲作品《缺頁的日記》，唔少圈中人包括《聲夢傳奇》嘅一班師兄師姐都有追蹤其社交平台，實力不容忽視。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
