新城勁爆｜張敬軒先拔頭籌奪今年首個獎 自封樂壇關愛座
張敬軒在《新城勁爆頒獎禮2021》記者會上，憑《俏郎君》先拔頭籌獲頒發第一個獎項「勁爆播放指數歌曲」；他高興指原本前來支持一年一度的盛事，沒預計到這麼快就有禮物收。有指新城電台跟香港音像聯盟（HKRIA）的合約解封僅有兩個月，變相令其他不受影響的歌手得獎呼聲更高；軒仔認為純粹以播放率計，年初已開始播歌的自然會成數偏高，但個人或創作獎方面則未必有直接關係，歌手本身的經驗及市場的認受性，也會令得獎機會較大。
談到他在叱咤《我最喜愛的男歌手》5強中，要獨鬥呂爵安、姜濤、陳卓賢及盧瀚霆4位MIRROR成員；軒仔搞笑道：「我係『樂壇關愛座』，哈哈；其實好開心今年樂壇氣氛好熱鬧，我唔會恃老賣老。（諗住關愛座可以坐幾耐？）長江後浪推前浪，就如新陳代謝，我以前都係小鮮肉，前浪推咗上岸，跟住會變番後浪，向來都係作品講說話，有心思新意就有人buy，要有熱度，冇嘢係負面。有年資嘅歌手亦不應固步自封，唔好話攬着往績就過世，我以前都會因為做耐咗就乜都是但，今年會提醒自己每步都要做好啲，好似做新人咁要有夢想，以MIRROR為例，令整個行業水準提高咗。」
此外，軒仔的父母來港，並由媽媽代替「遮遮」其一日三餐，豈料令他驚訝竟然「一遮比一遮高」！他笑道：「媽媽開始做『份子料理』，份早餐好似英泥，佢話係用黑豆、芝蔴、亞麻籽和合桃煮成糊狀，其實我仲有牙；原本想畀面試食下，但真係搞唔掂，無味道。不過我都好啲，爸爸嗰碗係啡紫色，好似食物中毒咁，我最後唯有祝福爸爸話『你take care 』。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|