最近一星期五晚都可以喺無綫劇《星空下的仁醫》度睇到鄭嘉穎精湛嘅演技，而佢位港姐冠軍老婆陳凱琳（Grace）就頻頻喺社交網分享佢嘅生活日常。最近Grace就上載整甜品「紅絲絨布郎尼」嘅影片，不過重點唔係佢整得有幾好食，而係令佢同嘉穎嘅愛巢曝光。
喺片度睇得出佢哋嘅大宅，設計以簡約為主，嗰個開放式嘅廚房，令屋內空間感更加大，真係令人好羡慕，因為分分鐘大過好多人間屋嘅總面積，廚房內嘅煮食設備非常齊全，攪拌器、超大嘅焗爐等乜都有，睇得出Grace真係好鍾意入廚，佢啲煮嘢食片係堅唔係扮嘅。
仲見到廚房對出放咗鞋架仔，旁邊就有2隻貴價潮物Be@rbrick玩具模型，其中「比卡超」模型係限量版，仲係要抽籤選買家，原價約$4,000港幣，依家喺二手網市場畀人炒到過$30,000，升值好幾倍，唔知呢啲咁高檔玩具係嘉穎嘅定係佢兩個寶貝仔嘅呢？
本文作轉載及備份之用 來源 source: http://hk.on.cc
|
鍾意就快D Share啦！
|
|
|
