藝人高海寧（高Ling）主演劇集《童時愛上你》日前正式煞科，她便趁「真空期」搞搞新意思，花了兩個鐘半小時駁髮，今日（13日）就以新造型亮相節目《麻雀教室三缺一》錄影。談到變身長髮姑娘，她笑指外界反應好壞參半：「好多男仔鍾意我短頭髮多啲，女仔就鍾意長頭髮。其實2016年開始剪短，都想轉髮型，長髮多啲唔同嘅嘗試，希望畀監製們見到我嘅新造型，安排多啲新角色畀我。（長髮吸引唔到異性？）有都唔係呢度講啦。」她又指今早返公司錄影前去了滑水：「都開始有啲凍，所以我着晒潛水衣，好好玩，只係時間唔夠。」談到台慶夜服飾，高Ling謂：「交由造型師負責。（性感亮相？）唔知，睇吓佢揀咩裙，不過潮流興養生，女仔唔好凍親呀。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
