王丹妮及廖子妤等主演的新片今晚（9日）舉行首映禮，梅姐生前好友包括連炎輝、Kim Robinson及舊愛林國斌等都有現身，林國斌婉拒讓記者拍照匆匆入場，但音樂會上卻有短片，「約定」梅姐將來再見！
王丹妮集萬千寵愛於一身，電影未正式上映演技已一再獲肯定，老公羅孝勇及好友高海寧今晚先後現身捧場，以行動力撐。談到相識經過，她與高海寧開心表示：「2006年大家參加模特兒比賽囉，一直keep到依家。」高海寧則表示電影令她感動非常，對好友演出豎起拇指。
王丹妮表示今次電影成功登上大銀幕，全有賴團隊盡最大的努力，而且目標一致，旨在傳揚愛與關懷的訊息：「希望觀眾鍾意，睇完戲返去重溫梅姐嘅作品，將佢嘅精神承傳落去。（好大壓力？）我諗最大壓力係準備嘅時候，正式開鏡就冇諗咁多，教我演戲嘅老師講過要相信自己，只有咁樣先可以令角色更有立體感。」至於票房壓力，她坦言：「電影公司老闆曾經講過，今次係佢嘅心願同承諾，其他嘢唔係考量之內，希望透過啲部戲令大家了解梅更多，令更加多人認識佢，呢個係我哋嘅使命。」問到是否已抽離角色？她說：「係！因為我係宅女，都係喺屋企烹飪同睇書減壓！」
談到是否已有其他片約在手，她表示：「未有時間去了解，依家最緊要做好啲宣傳。（老公羅孝勇話以你為榮。）多謝佢，佢怕醜冇同我講，聽日我哋會合家歡齊齊再睇戲。」而廖子妤則指自己拍攝期間已變喊包：「好多場戲都好感動，大家記得帶紙巾，同多1個口罩入場，方便完場整理儀容。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|