2021年12月4日星期六

方紹聰捱冷挑戰毅行者行100公里吳業坤踩牛屎兼險跌落坑渠 #吳業坤 #方紹聰

方紹聰捱冷挑戰毅行者行100公里吳業坤踩牛屎兼險跌落坑渠

奶仔率隊伍 Gang Hike 以 34小時48分鐘完成賽事。

方紹聰（奶仔）主持節目《野外步出2》正在J2台播出，經常上天下海的他最近第三次參加樂施毅行者，更找來中學同學吳業坤齊齊挑戰行100公里，由西貢穿過香港、九龍行山徑，終站行到去元朗大棠。最終行山隊伍 Gang Hike 以 34小時48分鐘完成賽事。

近日氣溫驟降，沿途氣溫只有7-8度，到達大帽山山頂時氣溫只有2-3度，更大風到企不穩，而隊員只有透風短袖運動衣以及風褸、短褲，最終靠着意志撐過去。

奶仔表示，由於疫情問題只能虛擬比賽，出錢出力籌到萬多元為樂施會籌款予有需要人士。提到難忘事，他認為除挑戰體力以外，捱眼瞓都不容易，因為由晚上九點開始摸黑行，而他早上7點要起身拍攝，結算行了50多小時沒有瞓過，去到尾段行到迷迷糊糊，有幾段路攰到閉住雙眼，由坤哥捉住他隻手向前行，行完到他帶返坤哥行，期間坤哥險些跌落坑渠，最搞笑坤哥特地買了一對新波鞋，精神抖擻參賽，怎料行到第7公里時經已踩了落牛屎堆，被隊友不停取笑他做「牛屎坤」。