王丹妮羅孝勇首以夫妻檔出活動 有生B計劃但唔急
王丹妮和羅孝勇今日出席首飾店開幕儀式，首以夫妻檔出活動的兩人戴上情侶鑽戒現身，其間羅孝勇說出愛的宣言：「最緊要互相相愛，一起走過高低，牽住對方向前行，手牽手度過一切。」
本月是兩人的結婚一周年紀念。兩人的互動好Sweet。
兩人去年12月公布婚訊，王丹妮說：「係我哋第一次出席公開活動，錢唔係最重要，今個月係我哋結婚一周年紀念有特別意義。」說到當年求婚鑽戒，羅孝勇直言最緊要太太「say yes」，王丹妮則認為戒指大細不重要，喜歡簡單不用華麗，心意最緊要。兩人憶起求婚情景，羅孝勇說：「當時在澳洲，駕五個小時車去到一個粉紅色嘅湖求婚。」王丹妮說：「記得坐到pat pat痛，但好浪漫好靚，驚喜又有美好回憶。」今年結婚周年紀念，兩人表示各有各忙，而羅孝勇笑言太太好為食，用美食就可以滿足她。
王丹妮憑電影《梅艷芳》走紅，直接帶挈老公齊齊搵外快，她說：「唔好咁講，夫妻係一Team，要拍住上，我哋平時感情生活都好低調，唔會喺社交平台post相，今次對我哋來講好有意義，先一齊參與。」會否考慮和女兒一家現身工作？二人指要看意義及紀念價值。王丹妮坦言夫妻有生B計劃，但暫時事業行先，還有時間唔心急。王丹妮唔覺得帶挈咗老公搵外快。兩人都有生B計劃。
電影《梅艷芳》在內地上映期延長，王丹妮感到幸運又感恩，知道全球很多梅姐Fans支持電影，證明大家沒有忘記梅姐。
王丹妮好開心《梅艷芳》在內地的映期延長。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|