▲《不要忘記我愛你》
由黃真真執導，娜扎及劉以豪主演的電影《不要忘記我愛你》在今日（12月14日）發布全新預告及海報，並宣布影片將於明年2月上映。
預告中，娜扎和劉以豪飾演的情侶在雨中並肩奔跑，在天台浪漫擁吻，在每個值得紀念的時刻留下自拍，兩人的愛情火花四濺，更蘊含「不要忘記我們之間的愛情」這句動人告白。
同時發布的電影海報內，娜扎與劉以豪頭靠頭相視而笑，充滿甜蜜氣息。而海報則悉心以日曆形式設計，揭開這故事的獨特之處。
娜扎劉以豪CP
對於今次的選角，真真形容娜扎和劉以豪「CP感好勁！」，女主角娜扎更讓真真大感驚喜：「起初以為娜扎會係嗰種有偶像包袱嘅大美人，點知開拍前同娜扎第一次見面，先發現佢既精靈又有童真，同佢傾完計更加覺得佢好可愛，完全係戲入面呢個角色需要嘅特質，實在難能可貴。」
真真更大爆與娜扎初次見面，已讀到對方手機中的長文筆記，寫上自己對角色的看法，是一位具備顏值又做足功課的演員。
鼓勵愛在當下
導演表示，從拍攝過程亦認識到以豪鏡頭以外的一面：「我從《比悲傷更悲傷的故事》呢部電影留意到以豪，佢除咗外表係一個暖男，演戲時情感自然流露，所以相信佢能夠招架得住我喺片場時俾演員即興演出嘅考驗。」
原來以豪給真真首個印象就是相當真誠，會主動敞開心扉分享他自己對角色的所感所想，令真真印象深刻：「遇到咁真嘅男演員特別難得！」難怪電影未上映，真真已經期待再有合作機會。
真真還大讚兩位演員私底下性格獨特，又有求變的決心，因此看好二人前途無可限量。
談及電影的創作初衷，她表示想鼓勵大家「愛在當下」：「一段感情入面，如果每日都係相識嘅第一日，咁係唔係每日都會好甜蜜呢？如果真係冇尋日同聽日，咁係唔係要珍惜當下？」
最新影片推介：林希靈專訪
撰文 :TOPick柴犬出動
本文作轉載及備份之用 來源 source: http://topick.hket.com
|
鍾意就快D Share啦！
|
|
|