藝人張頴康出名住家男，非常痛錫太太麥雅緻及3個小朋友，瘋狂程度連好友譚俊彥（Shaun）也讚嘆不已，話就早前二人合作拍劇，阿康開工之餘卻心繫讀小一的女兒，故當遇上分場時間過長，譚俊彥也不介意先拍他的戲份，好讓阿康能親自到學校接放學，對此阿康表示：「Shaun真係好好人，我哋本身都係好朋友，有咩都講，只係收工後，大家各有家庭比較少見，但一見面會講唔停。」
談到早前岳父離世，一家之主重擔落在其身上，再加上第3個小朋友出世，問到會否擺更多時間給家人？阿康說：「一定多好多，唔使開工仲全程陪住，其實同太太拍拖開始都係咁，因為好鍾意有家嘅感覺，我哋又有隻狗仔，收工一定返屋企搵佢，放假就陪下睇電視，好簡單，之前太太坐月都陪佢追劇，等小朋友瞓晒，就偷佢哋嘅雪糕食，餵完細仔食夜奶，之後就係我哋二人世界時間，呢啲生活我好滿足。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
