國際影星章子怡與汪峰最近因為退股共同投資嘅公司，而惹嚟婚變疑雲，雖然章子怡親自落場話係假消息，不過大家都依然對二人感情關係好有興趣。尋日（27日）章子怡再發功，佢喺社交網晒出多張家庭合照，為愛女「醒醒」6歲生日齊人慶祝：「醒寶6歲了。吹完蠟燭，她悄悄趴到我耳邊低語：『願爸爸媽媽長生不老，那樣我們就永遠在她身邊，一家人永遠在一起』多麼天真爛漫的小小心願，可它瞬間濕了我的眼眶 孩子，爸爸媽媽不一定能長生不老，但請你放心我們會用餘生去守護你愛護你…生日快樂寶貝❤️願你度過的每一天，都是未來回望的美好！」
合照中當然少不了同汪峰嘅合照，仲有老公同前女友葛薈婕所生嘅女兒汪曼熙（小蘋果），尤其章子怡同小蘋果專登一齊紮上孖辮扮Twins，而醒醒就紮個春麗頭Match番晒，唔怪得網友都大讚章子怡每次為家人慶生都出盡法寶，話佢係好媽媽之餘，仲對屋企事非常上心添。另外，近日汪峰外出時被見到佢婚戒不離手，似係為婚變一事「身體力行」闢謠，加上今次同醒醒慶生照中，章子怡亦有意無意大晒婚戒，力證二人情未變。
本文作轉載及備份之用 來源 source: http://hk.on.cc
|
鍾意就快D Share啦！
|
|
|