大熱視后人選鍾嘉欣，最近留港頻頻相約圈中好友相聚，繼林文龍夫婦後，呢日就到秦沛兩父女，其實可以話「三父女」，皆因鍾嘉欣曾於2012年劇集《護花危情》中飾演秦沛女兒，而較早前深夜時段先重播完畢，今次難得合體，唔網民都話回憶返晒嚟！鍾嘉欣留言：「滿滿的回憶。 很久沒見的Paul Daddy!我們終於可以見面。謝謝親愛的姜麗文，為我們安排時間聚會。」相中見「三父女」喺商場聖誕裝飾前留影，鍾嘉欣更帶埋囝囝同行，不過為保護囝囝就用圖案遮住個樣。另一張相鍾嘉欣搭住秦沛膊頭合照，猶如真嘅父女一樣，畫面非常溫馨。
姜麗文亦有上載敍舊相片，作狀呷醋：「她稱他為『Paul Daddy』，我不能接受。哈哈講笑，她很捧！跟溫哥華之友有個愉快的聚會。」乘機為憑劇集《星空下的仁醫》角逐視后嘅鍾嘉欣拉票，認真夠老友。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
