前港姐冠軍陳茵媺（Aimee）同老公陳豪育有兩仔一女，一家人相當幸福快樂，日前Aimee撇下老公，同啲仔女出去食飯，但就發生趣事。話說食緊意粉嘅佢想自拍影相，已經set好機較啱晒角度，準備好晒燦爛笑容，但點知臨門一腳影相嗰陣就畀仔女搞破壞！
第1張先見小朋友用一條薯條入鏡，第2張就用隻手入鏡，完美遮住佢個樣！第3張薯條又繼續出場，到第4張仔女終於忍唔住，要「亂入」一齊同媽咪影相，十分搶鏡。見到Aimee有少少無奈，影4張都失敗收場，佢仲喺社交網笑言：「其實影張自拍唔應該咁難！」一眾網民紛紛畀like，大讚佢啲小朋友好搞笑同好可愛！
另外，今日（26日）係Boxing day，陳茵媺一家五口都齊齊拆禮物，先係陳茵媺同陳豪帶領3個小朋友唱聖誕歌，之後就3個小朋友開始拆禮物，最後到陳豪。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
