青春本我｜鍾柔美飾被欺凌學生發揮演技 Chantel拍找數片晒可愛
TVB青春劇《青春本我》明（12日）晚播出的第二集，主角為鍾柔美（Yumi）飾演的葉敏兒（Yumi），表面親切但暗地渴望備受關注的Yumi，報名參加女學生長選舉時，意外地觸怒了林沚羿（Venus）飾演的馮樂詩；然後學生們私下的聊天群組即傳出連番有關Yumi的負評，加上文凱婷（Aeren）飾演的楊愛琳宣布加入女學生長選舉戰團，同時面對友情考驗的Yumi，終壓力爆煲崩潰。
之前曾有「童星」演出經驗的Yumi，首次正式演出劇集，飾演被欺凌角色讓她更很有發揮。Yumi受訪稱：「最難忘係有一幕講我畀人困住咗喺班房入面，我就要靠唱《傻人》去釋放自己嘅情緒。嗰一幕除咗難在要一take過，仲要同時演繹好多唔同層次嘅情緒，所以係有一定難度，都好多謝總導演李敏及導演今次畀咗咁大嘅挑戰我。」談到「聲夢」成員的NG片大受歡迎，Yumi坦言拍攝初期因為大家都還在適應階段，所以NG確是較多，但隨著與幕後團隊愈來愈有默契，及對工作環境日漸適應，NG情況亦改善了不少。
古靈精怪的聲夢學員早前還抽空拍了「找數片」，慶祝官方頻道訂閱人數衝破7萬。打頭陣找數的分別是「愛笑小主公」姚焯菲（Chantel）及「黑面王」林君蓮（蓮姐），前者要穿「以後都唔會再著」的衣服示人，後者則要梳孖辮Look。「找數片」所見，穿著角落生物公仔衣服的Chantel一臉無奈，並滔滔不絕講述與該件衣服的不解緣，貫徹可愛作風。另外，劇集自昨日（10日）起在尖沙咀柏麗大道對出巴士站刊登大型廣告，劇中女團成員明日（12日）更會快閃巴士站跳舞，與聲夢粉絲及支持劇集的觀眾朋友見面！
|
鍾意就快D Share啦！
|
|
|