模特兒出身的藝人王丹妮昨晚（8日）現身品牌活動，憑電影《梅艷芳》而人氣急升的她表示之前一直忙電影宣傳，本月才正式有模特兒工作，並透露稍後還有幾場謝票活動：「我想日日都去謝票，雖然攰但係好開心，可以見到觀眾親自講聲多謝，我係以好開心同好感恩嘅心，會情不自禁同大家鞠躬，大家反應都好熱情。之前謝票有答問同唱歌環節，現場氣氛好好。（參加咗幾多場謝票？）冇數過，每個星期六、日都會做，可能夾埋超過70場，希望衝破100場。（你睇咗幾次？）睇咗2次完整，因為謝票冇得睇晒整套戲。（老公羅孝勇呢？）佢都應該係睇咗2次，一次首映，一次包場睇。（佢有咩感想？）佢話以你為驕傲，好戥我開心，話大家都咁鍾意套戲，佢冇讚我太多。」提到聖誕，王丹妮稱已預早向公司請假幾天跟家人慶祝：「工作還工作，但都要預留時間陪家人。（會點慶祝？）我有個神秘活動，我會做個靚媽咪煮聖誕大餐，希望留畀小朋友美好回憶。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
