王君馨離開TVB結束14年合作關係 感謝監製導演曾畀機會
35歲的王君馨（Grace）加入TVB已有14年，但於今年10月傳出她因不滿劇集《超能使者》的海報及宣傳片被忽略，而且傾續約時有感被冷待，已有傳她打算離巢。今晨（18日）她在社交網正式宣布與TVB結束賓主關係，並晒出一張穿畢業袍、戴四方帽，站在TVB的55周年布景板前照片，她留言稱自己畢業，並細數入行以來的點滴，最後就祝願「各位同事保重，江湖再見！」
王君馨寫道：「我畢業感覺上好似喺一間學校由BB班讀到高中畢業。由選美開始，到舞動奇蹟；跟住做主持、做司儀，開始我嘅演戲生涯；到星夢嘅唱歌比賽，再參與到好多年嘅台慶表演等等。好感恩呢14年可以試到咁多唔同範疇嘅演藝工作，讓我更加知道我對performing arts 嘅熱誠同喜愛。大家成日問我：唱歌跳舞演戲你最鍾意邊樣？停一停、諗一諗，點解係都要揀？無論係唱歌演戲跳舞，我都唔會停落嚟，因為三樣都俾到我唔同嘅挑戰同埋滿足感！
「喺呢度，好想感謝每一位照顧過我嘅好同事，教我中文、教我化妝整頭、教我演戲，或者教我點樣做一個更好更有毅力嘅人，尤其係我幾位經理人：Derek爸爸、Amy媽、阿正、Veronica同埋樂小姐，真的辛苦晒你哋我衷心多謝你哋每一位！亦都多謝每一位俾過機會我嘅監製同導演。喺每一個劇集或者節目上面都俾咗好多空間我去學習，同埋嘗試好多唔同嘅角色！我第一日入行就係21歲嘅生日5月5號。今日最後一日亦都有呢個邁向55週年嘅里程碑俾我。It's been a great journey here and I wouldn't have changed it for anything because it made me into the person I am today!Thank you TVB!各位同事保重，江湖再見！」
|
鍾意就快D Share啦！
|
|
|
