台灣天王王力宏被前妻李靚蕾核爆式爆大鑊，撕破真面目，好男人形象一鋪清袋，事件持續發酵，有網民就翻出原來佢早有前科，於2010年自編自導自演電影《戀愛通告》時，身為導演嘅佢突然要求加插一段吻戲，令女主角劉亦菲獻出自己嘅銀幕初吻。當年王力宏宣傳電影時，提到呢場吻戲原本劇本並冇寫，但因為兩人拍戲時所產生嘅默契，先決定臨時增加接吻場口，不過如今王力宏被揭「渣男史」，其擅加吻戲嘅舉動亦被網民解讀為「別有用心」。
與此同時，有網民聯想起同樣身陷桃色醜聞嘅內地男星吳亦凡，亦曾向劉亦菲「下手」，因2人於2016年電影《致青春‧原來你還在這裏》中有一段床戲，吳亦凡喺戲中對劉亦菲「霸王硬上弓」，網友即為劉亦菲感心痛：「心痛神仙姐姐，又是力宏又是吳亦凡」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
