《2021年度叱咤樂壇流行榜頒獎典禮》今晚（1日）舉行，緊接頒發「專業推介叱咤十大」，第十位是泳兒的《荊棘海》，宣布一刻見坐於台下的她已秒速變成「喊包」，掩面爆喊，原來她是繼2006年獲生力軍後再上頒獎台，難怪感動到哭成淚人，上台到後泣不成聲：「我冇諗過仲有機會再上台！」起歌後她顯得慌張，直言好想繼續講得獎感受，但又想唱歌，後她保持專業，飆高音演繹得獎歌。
第九位是Anson Lo的《Megahit》；第八位是岑寧兒的《風的形狀》；第七位是組合C AllStar的《集合吧！地球保衛隊》，他們如願拎歌曲獎上台演唱，陳健安（On仔）做代表講感言：「呢幾年做音樂令我哋知道做歌曲嘅意義係咩，多謝香港、香港樂壇、廣告歌！」第六位是Jer的《狂日人記》，第五位是林家謙的《神奇的糊塗魔藥》，林家謙搞笑的說，指歌曲創作靈感來自烏龍茶。
林家謙更首次「起雙飛」，連奪兩個幕後音樂人大獎「叱咤樂壇作曲人大獎」及「叱咤樂壇編曲人大獎」，他感謝所有找他寫歌的歌手：「一直鞭策我，令我搵番自己靈魂，編曲人大獎係我第一次拎，多謝每位相信我嘅歌手，有時編唔到都會推番個波畀你哋，但多謝你哋堅持由我編。」
期後家謙因再奪「叱咤樂壇唱作人」金獎3度上台，他講得獎感言時突然起歌，腼腆撒嬌笑說：「唔好」續多謝買碟支持他的Fans：「支持鍾意嘅音樂人係要課金！」馮允謙冧莊拎銀獎；銅獎則是林奕匡奪得，他說這個獎得來不易：「3年前上台攞金獎，早前覺得事業去到樽頸位，就去咗美國進修，都擔心大家會忘記我，啲人會覺得我林奕匡好悶，但其實我仲有好多作品！」
「叱咤樂壇組合」金、銀、銅獎分別是C AllStar、MIRROR及Dear Jane，C AllStar成員King表示今年見到有好多電子音樂：「未來搵我寫EDM！」陳健安（On仔）指今年做了兩個Project，包括是開演唱會及出概念碟，又多謝參與創作的音樂人，最後Jase多謝支持他們的Fans，說音樂作品是送給香港人聽。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
