《七線人棄王》顧名思義是由一班自命「七線」的藝人擔大旗，包括「角色死亡率高達100%」的陳俊堅、「演出作品超過100套、但對白未必夠100字」的鄭雋熹、「古惑仔專員」程浩駿、「御用禮儀先生」林浩文，以及「永遠的舞男」姚宏遠。除了擔正藝人名單夠晒「破格」，節目的自嘲式開場白亦相當搶眼球：「每年都有成千上萬嘅人發明星夢，以為報讀訓練班就可以劇接劇做男主角一炮而紅，咁諗你就可以返鄉下打乒乓波。」單是開場白已感受到節目有多絕核與好玩。
該節目講述以上五位「人棄王」如何排除萬難求見總經理曾志偉、賣橋兼搲預算拍攝出集無底線自爆式tvb、真人騷、挑戰、大整蠱及短劇等多種元素，並在林盛斌、張振朗、周嘉洛、陳瀅、戴祖儀、丁子朗、蕭正楠的幫忙、及樂易玲的打氣下，直搗男廁向志偉埋手，並在志偉繁忙之時拿出建議書瘋狂推銷。志偉雖然先嚇一跳，但當看到五人如此有誠意兼有創意時，亦馬上爽快答應支持開拍《七線人棄王》，一個破格的綜藝節目就因此因而誕生。而林盛斌與張振朗為了力撐「人棄王」，更扮鬼扮馬上陣，相當惹笑。
問到五人節目中的賣橋過程是否100%反映現實時，他們笑謂：「其實係綜藝科嘅高層留意到我哋有自己拍片放上網，就叫我哋返去見面，本身想我哋幫手做《勁歌金曲》其中一個環節，後來傾傾下直情話可以畀個節目我哋試吓，佢哋問我哋得唔得，我哋梗係話得」「人棄王」五子又謂接獲「重任」後，即天馬行空地想了一大堆橋，既有無厘頭的、亦有「玩命遊戲」，他們坦言要多謝公司給予機會：「多謝公司近年真係畀咗好多機會新人，雖然因為疫情關係，好多配套未必齊全，但反而因為咁，我哋試拍咗好多唔同嘅item，希望個節目出咗街，大家會覺得好玩、多元又有新意。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
