2022年1月9日星期日

曾志偉男廁遭圍剿五大人棄王Sell橋搲撈成功 #曾志偉

曾志偉男廁遭圍剿五大人棄王Sell橋搲撈成功

曾志偉自去年入主TVB高層後，無論翡翠台及J2等不同平台的節目製作，均作出了多方面大膽嘗試及創作，除召集了6樓綜藝科所有編劇及導演共100多人外、亦召集了逾200名藝人集思廣益，鼓勵他們多主動提出意見及想法。

將於本周六（15日）晚11點35分播出的全新綜藝節目《七線人棄王》，就是由一班自命「七線」的藝人擔大旗，包括「角色死亡率高達100%」的陳俊堅、「演出作品超過100套、但對白未必夠100字」的鄭雋熹、「古惑仔專員」程浩駿、「御用禮儀先生」林浩文，以及「永遠的舞男」姚宏遠；

講述他們如何排除萬難求見總經理（節目內容營運）曾志偉，sell橋兼搲Budget拍攝出集無底線自爆式Talk Show、真人騷、挑戰、大整蠱及短劇等多種元素於一身的綜藝節目！

可愛爆燈嘅陳瀅。



戴祖儀、丁子朗，唔通順便宣傳《青春不要臉》？

五位「人棄王」在林盛斌、張振朗、周嘉洛、陳瀅、戴祖儀、丁子朗、蕭正楠的幫忙、及助理總經理（藝員管理及發展）樂易玲的打氣下，直搗男廁向總經理志偉埋手，並在志偉繁忙之時拿出Proposal大Sell特Sell；志偉雖然先是嚇一跳，但當看到五人如此有誠意兼有創意時，亦馬上爽快答應支持開拍「七線人棄王」；林盛斌與張振朗為了力撐「人棄王」，更扮鬼扮馬上陣，相當惹笑。



林盛斌同張振朗都有亮相呢個節目。



一再出現嘅林盛斌。



仲有搞笑嘅周嘉洛。



樂小姐一再為「人棄王」加油及打氣。

問到五人節目中的Sell橋過程是否100%反映現實時，他們笑謂：「其實係綜藝科嘅高層留意到我哋有自己拍片放上網，就叫我哋返去見面，本身想我哋幫手做《勁歌金曲》其中一個環節，後來傾傾吓直情話可以畀個節目我哋試吓，佢哋問我哋得唔得，我哋梗係話得」「人棄王」五子又謂接獲「重任」後，即天馬行空地想了一大堆橋，既有無厘頭的、亦有「玩命遊戲」，他們坦言要多謝公司給予機會：「多謝公司近年真係畀咗好多機會新人，雖然因為疫情關係，好多配套未必齊全，但反而因為咁，我哋試拍咗好多唔同嘅item，希望個節目出咗街，大家會覺得好玩、多元又有新意。」