▲歌手鄧小巧分享抗病心情。
《超級巨聲》出道歌手鄧小巧，早前剛宣布報喜接受外籍男友「白先生」求婚，不過今日小巧就發文自爆原來去年跟男友曾感染新冠肺炎，並將個人經歷及感受分享，希望大家加緊防疫。
現正在加拿大的小巧在facebook寫下長文，表示去年4月與未婚夫一同確診新冠肺炎，更指身邊人叫她不要告訴別人已中招。她寫道：「但其實，點解呢？點解要咁恐懼呢？知道多啲唔好咩？」
最新影片：蔣家旻訪問
她又分享首7日的病徵：「肌肉痛、全身無力、頭重重，以至喉嚨痛、流鼻水、失去嗅覺及味覺，期間進食大量維他命C、D、感冒徵狀西藥等，休息至第11天已逐漸康復兼如常生活。佢指當地病徵較輕患者待家休息，靠自身免疫力自愈，然後產生抗體。」
小巧坦言在加拿大身邊有不少親友都染疫，她寫道：「（未婚夫）白先生72歲嘅爸爸，佢嘅經驗同我哋差唔多，病徵比我哋稍微輕少少。都有一個白先生朋友嘅舅父，有糖尿病感染後死亡，亦有癌症病人朋友，感染後需要較長時間康復。喺加拿大，由於好多人感染，每個人身邊總有幾個人曾經染病，大部份嘅反應都係鬆鬆膊頭，然後：哦。病咗幾多日啊？然後繼續生活、工作。」
她稱：「我唔係叫大家掉以輕心，叫大家當Covid 係一個joke（某啲社交限制措施先係一個joke,唔洗我補充），但亦都唔好當Covid 係世界末日。我只係想同大家講：做足要做嘅措施，其他就交俾個天。足足兩年，總不能喺恐慌同擔憂中度過。」
撰文 :TOPick柴犬出動
本文作轉載及備份之用 來源 source: http://topick.hket.com
|
鍾意就快D Share啦！
|
|
|