藝人岑麗香（香香）聯同舞台劇劇帝朱栢康攜手參與「滙豐卓越理財」的微電影演出，2人首度合作合演夫婦，香香片中飾演懷有一對孖仔的母親，面對夢寐以求的時裝編輯工作申請獲得取錄，令香香感到困惑和矛盾，以家庭為重的她想親自照顧小朋友，但又想追夢，最後做丈夫的朱栢康決定辭去工作，在家中照顧小朋友及經營網店，讓太太可以放心外出做自己喜歡的工作。
現實生活中香香同樣有2個囝囝，有個愛錫她的丈夫，拍攝時跟戲中的小朋友相處甚有心得，但回想自己剛有小朋友時，的確為她帶來很大的轉變：「照顧小朋友係一種學問，需要適應同學習。同廣告中嘅媽媽一樣，既想以家庭為重，但又好鍾意演藝工作，好彩得丈夫嘅理解同支持，喺廣告片中朱栢康嘅一句對白『這個家放心交給我們』，令我諗起自己嘅丈夫都曾經喺我生完小朋友準備重投演藝工作時，都同樣畀我鼓勵同支持，所以拍攝時更能投入感情，好感恩有一位體諒同愛錫自己嘅丈夫。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
