內地「三金影后」周迅好戲就係人都知，但大家又知唔知佢嘅演技點解可以達世界級，咪因為佢真係好鍾意研究演技囉，否則佢唔會夜夜同劇本同床，而且唔係一本，而係成幾大棟咁多嘅「劇本山」，問你服未？周迅喺一個內地節目中就話自己拍戲時真係好認真，好認真同好認真嘅，為咗徹底揣摩個角色，佢話：「會將劇本放在床上，一半放劇本，一半睡人，我這一半的雙人床全都是劇本甚麼的，我就睡那一邊。」
佢覺得演員都會有自己入戲嘅方式，好似多年前拍內地宮鬥劇《如懿傳》時，為求逼真，佢會主動要求對手大大把車埋佢塊面度先算數：「可能我的方式，我需要他們真打我。」雖然好多粉絲都嗌心痛，覺得借位咪得囉，況且始終佢都成40幾歲，面皮雖然冇後生時咁薄，但一定會痛，吓吓「打真軍」，容乜易愈打愈鬆。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
