歌手JW（王灝兒）同連鎖化妝品店嘅太子爺葉韋彤（Tarzan）拍咗拖幾年，感情穩定，不過佢之前就話未有結婚打算，仲話今年只想專心事業，全力推出新歌！但係佢尋日（28日）突然喺社交網晒咗張喺屋企抱小朋友嘅相，而個小朋友望落仲同JW餅印咁，令到網友都好疑惑，唔通已經做咗人媽咪？好在佢留言話：「家姐一早叫醒我叫我睇住Amias ，你睇吓我個樣（好眼瞓），跟住再同佢玩Hide&Seek，hahahah ！佢真係好得意！」原來佢只係幫手睇住個姨甥啫，網友都話：「好似樣！唔知以為你嗰BB！」
而素顏嘅佢頭髮凌亂，仲着住睡衣，同平時見到佢化妝出騷個樣有啲唔同，網民就覺得佢咁樣望落多咗份溫柔感覺，大讚佢素顏靚過化妝！而佢同Amias玩捉迷藏嗰陣，曝光咗佢屋企有個大廳，相當闊落仲有個落地大玻璃窗添，令到唔少網友都話「佢個廳仲大過我間屋」，令人好羨慕呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
