最近疫情大爆發，每日幾千宗嘅確診，令人心惶惶，大家都擔心會中招，加上近日氣溫急降，唔小心就隨時會凍病咗，當你一起身量體溫發覺自己發燒，相信你都會驚自己係咪中咗招呢？藝人朱智賢今日（21日）喺社交網留言話：「呢2日真的是禍不單行！」原來佢已經病咗3日，一度發燒發到38.9度，全身肌肉痠痛，不過好在佢連續做咗3檢測都冇事，證明自己係冇確診呀，而依家都已經退咗燒，嗌大家唔使擔心，佢只係冷親啫！不過佢講番自己喺發燒第二日嗰陣去咗睇醫生，之後打算返屋企好好休息，點知途中撞車：「小小的車輛碰撞，橫風橫雨又10度之下仲要落車睇，搞咗個幾鐘，對鞋濕晒，頭髮又濕，風癩又出埋，凍到成個人震晒。」
而佢仲嗌大家最好喺屋企擺定快速測試劑：「喺呢啲非常時期，最好就唔好病同埋奉勸大家屋企最好有快速測試劑守門口，如果唔係到你有少少唔舒服嘅時候你就會好騰雞。PS: 三次快速測試，分別用咗三隻不同牌子去測。」網民都紛紛留言送上祝福，嗌佢要好好保重身體呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
