李龍基和太太Chris Wong日前與香港開電視主播馬梓軒一同拍攝賀年特輯。向來畫功了得的Chris，更盡展才華畫老虎賀虎年。Chris除了擅長畫動物，畫人像亦相當出色，不過李龍基坦言曾經質疑太太的畫功：「事緣有個朋友幫我畫咗一幅大油畫，但都係覺得有啲強差人意，於是Chris提議幫我畫一幅，但因為當時我未見識過佢嘅畫功，所以唔相信佢！後來有一日我放工返嚟，太太拎住幅畫問我靚唔靚，我話你影印嘅！後來知道真係佢畫，先發現佢咁有藝術天分！」
談及農曆新年，他坦言每日都是「拍拍拍」：「唔係拍烏蠅，係拍戲呀哈哈！（咁咪剩低太太一個？） 唔係，佢好多時跟住我，幫我手整理妝容，都好忙㗎！」除了忙於工作，他都不忘品嘗賀年美食：「我最鍾意食蘿蔔糕！記得細個嗰陣我爸爸揸運菜車，好多時會拎啲蘿蔔返屋企，雖然成日食，但我食極都唔厭！同埋好多人誤會食蘿蔔會破氣，但大家見我有冇破氣？冇啊，我食好多㗎！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|