不過打女之路其實一點也不易行，過去因為拍攝動作戲已搞到周身傷的慈茵，原來拍攝《飛虎3》時亦同告受傷，事緣慈茵與苗僑偉拍攝槍戰場口時，竟意外被反應彈的碎片擊中眼白，導致眼白受損兼大爆微絲血管，狀甚駭人！但更駭人的是，慈茵當時仍想繼續拍攝，她受訪時表示：「導演嗌Cut機之後，大家見到我咁都好緊張同擔心，我記得我仲同導演講話冇問題，因為我平時打拳都成日打到爆微絲血管。但後嚟現場救護員檢查完之後，話我眼白表面損咗仲流緊血，傷勢可大可小，就叫我快啲去醫院檢查，好彩都唔係好大件事。」
平時有打開拳賽慈茵，續指早已做好心理準備拍動作戲會受傷：「我知道受傷時最重要係保持鎮定。我咪話我以前打拳成日受傷嘅，我記得最嚴重嗰次係打到視網膜穿咗窿，要做手術補番；另外我都試過畀人打傷塊面嘅三叉神經，搞到塊面麻痹咗半年。」乜都瞓身搏盡的慈茵，今年拍攝綜藝節目《不可能任務》時，亦因不慎撞到玻璃受傷，並於額頭位置縫了 8 針，但她當時同樣表現鎮定及堅毅，硬淨度令人佩服。
本文作轉載及備份之用 來源 source: http://www.hk01.com
|
鍾意就快D Share啦！
|
|
|