有「小邱淑貞」之稱嘅台灣藝人陳映璇，憑台版偶像練習生出道，仲先後拍過《雨後驕陽》、《甘味人生》、《炮仔聲》等作品。而最近佢就接拍廣告，大晒32D傲人身材，其幕後花絮更被放到社交網上，唔夠3個鐘就已經有6萬多名粉絲觀看，非常犀利。
尋日（22日）佢就着住白色短裙，大晒雪白美腿拍片，仲喺貼文寫到：「大家來猜猜？這次的拍攝是關於什麼樣的拍攝呢？是代言產品？代言什麼產品？還是戲劇演出呢？想不到我拍過的戲廈門也有播出耶，竟然還有廈門的粉絲！一放花絮在抖音就有6萬多人看。謝謝大家的支持呀，愛你們。」
陳映璇仲話好希望舊年演出嘅微電影《逐步輕熟》能盡快上映，因為想畀大家睇到佢好唔同嘅一面，仲話對於大家話佢似兒時偶像邱淑貞，佢好開心，仲大膽表示：「如有電影要我全裸入鏡，我非常的願意啊！因為本身就是戲劇科班的，我覺得戲劇是一種藝術、一種文化傳遞，只是你從什麼角度去把它演好，讓人去看！」 相信一班粉絲聽到後都興奮尖叫，大感期待阿！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
