藝人林盛斌（Bob）不諱言疫情期間自己的幕前工作大受影響，很多工作急煞停兼曾試個整個月零收入，家庭開支全靠副業及投資等解燒眉之急，幸而他正能量十足。近日，Bob忽萌奇想，希望所有港人都可以疫境自強，開創屬於自己的另一遍天，故決定開創另類投資，實行同大家「有錢齊齊搵」。他表示﹕「過去半年一直都有人搵我合作搞NFT，我依家大膽提出將虛擬世界與現實結合，只要投資我嘅NFT，日後就可以到我嘅便利店抽會籍，按等級攞到某啲購物優惠，甚至乎免費，又或者有興趣嘅話，可以申請特許經營，為持有者提供多元化體驗、更實在嘅回報。」
Bob認為港人生活離不開便利店，因貨品包羅萬兼經濟實惠。他有感大部分港人都有創業夢，但由於租金、貨源及管理等問題卻步：「今次嘅計劃可以話大部分人都能負擔，約需4位數資金就得，就可以自己做老闆，一班人一齊圓創業夢！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
