藝人袁偉豪（Ben）為林盛斌主持的無綫J2節目《人夫放假約出去滾》擔任嘉賓，大談與太太張寶兒「撻着」的經過。他表示有次跟寶兒到非洲拍攝旅遊特輯，當時每天都要轉內陸機，而Ben每日起身都有飲咖啡的習慣，期間寶兒走去跟他說：「你都幾似鬼佬喎！」Ben即答她：「妳都幾欣賞我喎！」就由這句說話開始，二人開始互相試探，傾談人生、音樂，然後又傾何時想結婚。Ben又笑言：「之後我問佢咁如果你做我背後的女人會點？佢冇答我，我等咗非洲大草園成程車的時間，佢都冇答我，後來連啲Crew都聞到陣除，係咁叫我哋坐埋一齊。」之後Ben拍攝無綫劇集《棟仁的時光》，再返內地拍攝《再創世紀》，幾個月都不在港，那時他們已是男女朋友關係，Ben坦言：「嗰陣我哋已經開始一齊，佢係一個好照顧到我的女仔，係一個好好的女仔，最緊要係點解要結婚呢？因為我唔想重複發生前一段關係同樣的事。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|