名媛李美慧（Vivi）2018年嫁予年長25歲、富商老公曾文豪，並為對方誕下一女「小糖心」，專心相夫教女嘅佢，幾乎已經絕迹幕前，不過尋日（2日）佢就喺社交網晒出一個「雙線」快速檢測包嘅相，宣布自己中招！東網為此聯絡Vivi，佢大方直認確診：「我依家淨係發燒、發冷、身體痛，好痛啊啲骨，其他流鼻水、咳、喉嚨痛都冇。」
佢續指自己淨係有見屋企人及一位朋友，到目前都未知自己點樣中招：「佢哋全部人都冇中，冇人確診，淨係得我自己確診咗，同埋我已經好耐冇喺街或者餐廳除口罩食嘢，我估計可能係去完超級市場，隻手消完毒，但係手機、銀包、衫可能未消毒，所以惹咗返嚟，我惟有係咁解釋，我覺得係手機最易。」
佢亦提到依家者時佢同囡囡分開住了，佢自己住一個地方，囡囡就跟佢媽咪住，仲強調同小朋友絕對唔可以一間屋，睇嚟佢至少要同囡囡有14日嘅相思之苦喇。
本文作轉載及備份之用 來源 source: http://hk.on.cc
|
鍾意就快D Share啦！
|
|
|