馮盈盈與鄭衍峰合體主持瘋狂被玩 曾志偉澄清冇入雪櫃
曾志偉和錢嘉樂主持的《講你都唔信》，在昨晚（28日）及今日邀請肥媽、薛家燕、陸浩明、阮兆祥、鄧兆尊、何遠東、曹永廉、車婉婉及商天娥做嘉賓，不過本周焦點就落入第二輪比賽主持馮盈盈（FYY）和鄭衍峰身上，二人曾傳緋聞，而盈盈早前更盛傳被雪藏及證實患上新冠肺炎，新聞多多。
對此，「獎門人」曾志偉早前接受無線節目《東張西望》訪問時，以「四両撥千斤」方式為 FYY 澄清傳聞：「邊個人入過雪櫃啫？呢度冇人入雪櫃，其實係佢去咗隔離拉番佢返嚟咋！」嘉樂仔聞言再加多兩錢肉緊幫口謂：「傳吓傳吓就變咗第二件事，人哋隔離之嘛，又話人哋雪藏。」主持追問志偉是否睇中 FYY 與鄭衍峰是過氣情侶，所以專誠「撮合」二人，志偉聞言再搞鬼謂：「我從來唔知呢啲嘢喎，原來你哋已經過咗氣...」嚇得 FYY 及鄭衍峰異口同聲謂：「緋聞緋聞。」之後口多多的嘉樂仔再追問二人緋聞孰真孰假，二人再顯示默契同步謂：「講你都唔信」
曾志偉幫FYY澄清。FYY 動作表情都好吸睛。
至於家燕姐及肥媽，則為要自爆「第一次」大感頭痛，家燕姐透露事前有向肥媽求救，並有意分享第一次險失身經歷，肥媽聞言即預告內容「好激」，隨後又搞笑指自己無話可說：「第一次咁耐嘅嘢我唔記得，然後叫我講感情喎，我話吓？我冇乜咋啵。」商天娥亦同樣為上節目做足準備，笑言帶備了陳年珍貴剪報做證據：「因為我會講一啲陳年往事，公佈結果之後，我要證實真定假嘛，又或者我會講啲真嘅，又加啲假嘅落去，大家唔知嘛。」問到會否同時開心 Share 當年性感美照，商天娥則大賣關子。
商天娥為咗講故仔，做足準備。家燕姐同肥媽為要自爆「第一次」大感頭痛。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
