第5波疫情下，不少市民都變成「自家廚神」，三餐靠自己煮飯仔「餐肚」，無綫藝員葉蒨文（Sophie）日前到超市買餸煮飯，由處境劇《愛．回家之開心速遞》「島大女神」變成「煮飯婆」。
穿上短褲曬美腿的她推住手推車在超市入貨，買餸時女神變身精明師奶，攞起貨品比較價錢、新鮮程度，眼明手快買了肉類、蔬菜、魚、鮑魚及日用品，瞬間已裝滿手推車。不過，Sophie仍意猶未盡，找來找去，原來有終極目標要購買生蠔，她與店員搭訕一番，了解生蠔行程，亦聽從推介掃了兩打生蠔，之後再買了西班牙火腿及紅酒，入齊貨準備好開餐。不過，去到付款時卻發生小插曲，Sophie又折返超市內取物品，擾攘一輪。
Sophie接受東網訪問被問到是否為屋企入貨「儲糧」，她說：「唔係，屋企都儲咗幾日糧，只係日常去買餸，同埋因為男友下星期生日，依家夜晚出唔到街食飯，所以趁唔使開工，買啲好嘢同佢預祝。」講到付款時擾攘一番，原來是精明「師奶仔」上身，她笑說：「因為差少少先買夠有現金券送，所以要買多少少，哈哈。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|