肥媽在YouTube上坐擁18萬追蹤者，除了會拍片教煮餸，亦會分享日常生活點滴。肥媽坦言自從丈夫於前年去世後，再加上因疫情關係無法見到住在外國的子孫們，因此只能寄託在YouTube和Facebook等社交媒體上教觀眾煮餸，因此自己並不會仿效阿蘇採取會員制的做法「我好多謝YouTube同Facebook嘅朋友幫我度過難關，呢兩年幾佢哋畀到個動力我去拍片，『禮拜六啦禮拜六啦煮咩呢煮咩呢』，係佢哋幫助咗我畀信心我，我唔敢收佢哋費。」
肥媽表示按月收費其實並無不對，因為在YouTube拍片亦是一份工作：「好多人都利用平台搵錢，呢個都係佢（蘇施黃）嘅工作嚟，我覺得佢（收費）係啱㗎喎，佢話收，有人肯畀咪得囉，唔可以抹煞人哋有呢個能力開到呢個價，我覺得佢冇唔啱！」
另外，曾製作《食平D》系列的前TVB非戲劇節目監製及經理張志明最近在開電視推出飲食節目《疫境中的餐桌》，他日前接受訪問時疑投訴肥媽的節目《全民居家煮嘢食》構思相近有抄襲之嫌，肥媽表示相信是一場誤會：「冇商討過，我都唔知，我記得佢哋無綫打俾我，話想我喺屋企做四集教大家用罐頭煮餸，就係咁！佢（張志明）有咁嘅諗法我又唔知，佢打過俾我嘅助手唔知問咗啲乜嘢嘅，但呢個係風馬牛不相及嘅嘢，係冇講過呢樣嘢！我使唔使抄人啫？做YouTube我幾年前都做啦，如果係咁我咪話人抄我？我諗大家都唔會啦，張志明都唔係咁嘅意思，我同佢熟到痺，係喎，我要搵佢飲茶添啊！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|