今日（1日）係一代巨星張國榮（哥哥）逝世19周年紀念，世界各地嘅「哥」迷對哥哥嘅思念從未減退，無論生忌死忌都會用不同方法悼念，而哥哥一生摯愛唐鶴德亦一如過往，喺社交網上載同哥哥舊合照懷念一番，如廝傷痛，佢仍留言安撫大家：「人間的四月天是暖 是愛 是希望 大家齊心共同渡過這個艱難的時刻後就是光明❤️」
今年哥哥其中一首代表作《無心睡眠》迎來面世35周年，1987年佢決定告別恩師黎小田轉投新藝寶唱片，收錄在《Summer Romance》專輯嘅《無心睡眠》由唱作人郭小霖作曲，林敏驄填詞。當年哥哥獲邀參與東京音樂節，當時希望喺台上演繹一首顛覆過去《Monica》、《有誰共鳴》等曲風嘅作品，郭小霖喺收到邀請後便創作《無心睡眠》旋律。
收到歌曲後，其他人都認為成功演繹嘅難度太大，惟獨哥哥自信滿滿，不但認為難度一般，聽後更覺十分高興，並交予林敏驄填詞，不過林敏驄卻無意中將難題交畀幕後團隊，未為歌詞改歌名，最後由哥哥決定以《無心睡眠》作為歌名。
本文作轉載及備份之用 來源 source: http://hk.on.cc
|
鍾意就快D Share啦！
|
|
|