袁偉豪連剝三隻智慧牙痛到喊 覺得有八級痛老婆笑言:你仲叫我生
剝過牙嘅朋友應該好清楚，剝一隻後續有幾痛苦，特別係麻醉藥過咗，食又食唔到，瞓又瞓唔到，坐唔安瞓唔落，係咪好想睇吓Model示範?有請剝咗三隻牙嘅袁偉豪。
當事人上載咗兩段片加一排被遺棄的智慧牙相，「人哋話生仔十級痛，我諗我應該有八級，有人見到我辛苦個樣就立即Roll 機🎥仲叫我比多兩滴眼淚💧okay’下次再到你生仔既時候我知點做。」
見到都驚，拎開佢。佢好痛苦。佢好痛苦x1。忍唔住笑咗。好慘咁。唔好喊啦。好可憐。
只見片中剝完牙嘅袁偉豪喺度呻吟，坐又唔係企又唔係，面露痛苦流晒眼水，坐坐吓又去伏喺牆，精神相當異常。老婆張寶兒邊拍邊笑，笑佢演技又再昇華，唔知佢喊定笑，又唔郁得，袁偉豪對住鏡頭問知唔知咩叫笑到喊?老婆問佢一至十級痛，剝智慧牙有幾痛?佢話七至八級，老婆即刻出聲，「咁你仲叫我生，生仔係十級痛呀。」袁偉豪扮聽唔到，之後就用粗飲筒吸食流質食物，唔該袁生嘅示範。係咪笑緊?用粗飲筒吸流質食物。呢個樣有啲鹹濕。
老友胡定欣形容袁偉豪嘅痛苦樣係陣痛，姚子羚表示自己都生緊智慧齒，「唔知剝唔剝好，因為間歇痛。」剝咗三隻變成智慧牙KOL嘅袁生好權威咁覆對方，「如果開始蛀就要剝啦。」唔知幫唔幫到姚子羚呢?袁偉豪答得好權威。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|