憑處境劇《愛．回家之開心速遞》「島大女神」一角為人認為嘅無綫小花葉蒨文，早前被捲入鍾培生與袁嘉敏嘅「鍾袁大戰」之中，近日又再惹是非。事緣早前劇集《金宵大廈2》中黃婉華搽黑皮膚扮外傭引起爭議，而葉蒨文亦喺社交網參與討論，自言亦曾搽白皮膚扮死屍及搽紅塊面扮妓女等，更自嘲都係「少數族裔」，笑指係「少工作數量嘅族裔」，但言論即引起大批網民不滿，狠批不尊重，甚至留言辱罵。
事隔數日，佢疑不堪輿論壓力，宣布要將網民留言刪走，似為為事件降溫避風頭，佢表示：「抱歉基於某些自己義務責任上的原因要將 post hide咗，但係好高興同大家互動交流左咁多，多謝大家咁支持演員呢一個工作！冇諗過發表自己小小嘅愚見，短短10小時會有咁大嘅迴響同轉載，我覆咗唔少嘅留言，同大家傾咗好多偈，大家講嘢都好真摯，我亦都覺得有好多人好明白我，冇特別曲解亦都好願意聽我嘅意思，我好感恩，感激大家喺呢個網絡時代有咁嘅耐性去同我互動，真係去傾偈交流，去了解大家互相嘅諗法，係難得嘅！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
