不單歌迷期待以久，Janice本身也雀躍萬分，並且親自參予很多關於演唱會製作，希望讓大家見到一個全新的衛蘭：「今次會開四面台，希望可以近d ，多d 同歌迷互動到啦，製作上面同揀歌等等，我都參予好多呀今次，不停開會研究，點樣可以做到最好。個演唱會名都係我構思啦，因為之前疫情，一個人坐係屋企，經常都有亂諗o野，有過擔心同憂慮，世界會變成點呢？我又會變成點呢？然後就睇到呢一句經文 : Be Still。希望藉此提醒自己及大家，世界被疫情和各種不穩定情況下所困擾，但必需保持心靈平靜，處變不驚，將心靜下來，細心聆聽自己的心意，好好照護自己的需要。」
踏入40歲，Janice 自覺人生目標更清晰，她坦言現在是為自己而活：「女人40係一個好開始，我覺得好開心、好健康，同埋好放鬆，我仲覺得自己好似新人咁，因為音樂是無限探索的，我而家有跟老師學唱歌，因為我唱歌有啲壞習慣，喺咬字及運氣上未運用到最好，所以要有改進。」此外，Janice為增強體能，她已展開地獄式訓練，笑言以前減肥為別人而減，現在減肥為自己的健康！她每天舉啞鈴、跑步機不停鍛練，努力下清減不少：「原來自己舉啞鈴可以去到好盡，越舉越重，都幾劇烈吓，雖然辛苦但是對自己練氣很有用。」希到時演唱會大家可以見到她的線條美！
本文作轉載及備份之用 來源 source: http://www.hk01.com
|
鍾意就快D Share啦！
|
|
|