久未有幕前演出的藝人梁榮忠，於港台劇集《獅子山下2022:得閒飲茶》自編自導自演兼任監製，雖然身兼4職，但笑言一份人工都冇：「因為放晒喺製作上先。（即係義工？）冇諗錢嘅，今次意義重要過收益，可以話係追求理想，呢套劇我都曾經參與過，依家呢套主題我又喜歡，個人比較喜歡人與人之間最簡單嘅關係故事，反而動作戲我唔識拍。（辛苦？）一定有，但換番嚟係開心，所以好享受。」
談到舊愛鍾麗淇早前受訪指與他再見亦是朋友，雙方生日也會互相傳祝福，關係不錯，對此梁榮忠未有否認，但就不欲多談：「對方有家庭，牽涉人哋嘅嘢就唔講啦，我就冇家庭啫（咁你有冇另一半？）如果依家係40歲前都會好雀躍去講，50歲以外嘅生活模式都定下，唔需要急，都嗰邊近啦，反而係睇吓眼前有乜想做。（係咪更激烈以前都試過？）唔可以咁講，每個人都有行過嘅路，但望前面當下我想創作方面做多啲，想拍啲系列嘅劇集，當然係做幕後，今次得兩集唔夠喉。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|