女星鄧洢玲（阿旦）出席電影《壯志凌雲：獨行俠》首映，有投資按摩店及咖啡店的她，透露早前也受第五波疫情影響需要關店，雖然現時已重開近1個月，但關店期間也慘蝕共6位數字，她說：「好感恩業主同埋啲拍檔都一條心，業主有減租3、4成，都叫做捱得住，開番舖之後生意唔錯，按摩店仲唔夠師傅，反而咖啡店就爭少少。」
問到會否擔心第6波疫情來臨？阿旦坦言真心驚：「因為咖啡店啲食物好難做外賣，依家諗緊轉型，諗緊啲新嘢，所以千祈唔好有第六波，真心驚。（預計幾時先至回本？）樂觀啲希望半年追得番，按摩店開業4年叫做有錢賺，只係咖啡店蝕得好甘。」除了忙於為追生意額腦透腦筋，阿旦透露近日還被業主逼遷，她說：「業主因為要移民，所以畀咗1個月通知我要搬走，依家我要忙住搵屋，暫時只係睇咗1日樓啫！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
