由方東昇主持的無綫節目《尋人記II》掀起城中熱話，而「TVB大寶藏」於網上播出「尋人記藝人版」，短短3分餘鐘視頻，讓觀眾重溫呂奇、梁小玲及杜平等隱退藝人的當天風采。
60年代憑粵語片爆紅的呂奇，多年前曾被傳移居台灣後揸的士為生，又指他生活落魄，不過1998年節目《城市追擊》於台灣登門造訪呂奇，他坦言：「生活好寫意，因為我十幾歲離開學校就加入影圈，冇晒私人生活，但依家有物業又有租收，鍾意做咩就做咩。」
至於息影後移居澳洲的梁小玲，當年攜同「手抱咁大」的女兒趙希洛，齊齊接受黃淑儀訪問，幸福滿滿說：「喺呢度冇乜特別娛樂，得閒就陪老公睇吓書、聽吓音樂咁。」而杜平移民墨爾本後被傳經營娛樂公司及投資地產，他當年接受譚炳文訪問澄清：「喺有朋友想搞梅艷芳演唱會，但佢唔係好識，我幫吓佢手啫。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
