有「鋼琴王子」之稱嘅中國著名鋼琴家李雲迪去年10月涉黃被拘，震驚全國！事件發酵到依家，大家都漸漸淡忘，李雲迪下落不明7個月，點知網上瘋傳其個人及爸爸李川名下333萬人民幣（約387萬港幣）財產被假扣押！
有指李雲迪2021年初同一間家具廠商傾好合作做代言人，點知同年10月就爆出涉黃醜聞，雖然廠商當時就已經公開終止合作關係，但係李雲迪喺呢7個月入面「人間蒸發」，廠商一直忍到依家，終於忍無可忍決定提告，法院依規定送達民事裁定書及財產保全情況告知書，將李雲迪同爸爸李川名下333萬人民幣財產採取保全措施，慘變人財兩失。而早喺今年一月，李川管理嘅上海雲傳音樂工作室已經被罰約343萬元港幣。
有指該廠商高層對外表示，目前該案件已經達成和解，但具體細節要再了解。而「下落不明」其實係個空泛概念，好似打電話唔聽、寄資料不收，法院就可以話佢「下落不明」，即便能聯繫上當事人，但如果對方唔收資料嘅話，法院為使程序更規範，都會以此理由進行公告。財產保全則係民事手段，即凍結對方財產，防止財產轉移。
本文作轉載及備份之用 來源 source: http://hk.on.cc
|
鍾意就快D Share啦！
|
|
|