台灣「國民男神」彭于晏一向靚仔有型，最近佢出街玩滑板嗰時就被粉絲偷拍，相中嘅佢一頭亂髮，勁似瞓醒未梳頭咁款，成個大叔咁，明顯走樣。而網友見相後就紛紛留 ...
台灣「國民男神」彭于晏一向靚仔有型，最近佢出街玩滑板嗰時就被粉絲偷拍，相中嘅佢一頭亂髮，勁似瞓醒未梳頭咁款，成個大叔咁，明顯走樣。而網友見相後就紛紛留言話：「男神崩壞了」、「人果然要靠衣裝」、「髮型的重要性」、「好似Monchhichi」。但亦有一班「晏粉」火力十足，反擊酸民話：「人家可以帥回去，可是你不行。」
之後彭于晏就喺社交網貼出該張偷拍照，仲非常大方兼搞笑咁話：「明星都這樣了，大家都可以不用有壓力。」而網民就大讚佢EQ高，仲話佢係真男神呀！
